70                 TESTAMENTS ENREGISTRÉS AU PARLEMENT DE PARIS            (316)
Gervaise Crestien conjoinctement, et pareillement un petit livre cou­vert de noir, des Livres de Sénèque.
Item, à maistre Giles d'Aspremont mon livre dit Bascon en papier, qui se commancé : Sapiencie perfecla, et cetera.
Item, je laisse à tous mes debteurs de la ville et chastellerie de Nuilly tout ce qu'ilz me devront au jouj de mon trespassement, sinon d'argent presté.
Item, je quicte à maistre Pierre Cheval, bailli de Valois, xx frans d'or que je lui ay prestez, s'il ne les m'a rendus avant ma mort.
Item, je laisse au curé de Saint Andrieu des Ars vi solz pour une i'oiz, au Chappelain quatre solz, au clerc ii solz et aux marregliers vi solz, pour faire mon premier obit comme il appartient.
Item, àla fille Thomasse, que Perrin scet bien, et maistre Phelippes x escus.
Item, à Girart d'Azi, mon procureur en Parlement, x livres Tournois.
Item, soit adverti que en la fin de ma Bible et autres cédules sera trouvé où est mon argent et combien y a, et Dieu merci, il y a assez de quoy en comptant pour acomplir mon testament, et de remenant, se Dieux le me Saulve.
Item, je laisse à Droin, que je appelle maistre Ly, une Logique rouge etune Philosophie naturelle, qui sont en mon estude.
Item, pour paix et accort norrir entre ceulx qui me pourroient, succéderai/ intestato, je ordonne que ceulx qui me succèderont du costé de par mon pere ne demandent riens en chose que j'aye à Raci, Maubry, Vaulx, Bruel et Remonvoisin ne es terroirs d'iceulx, et ceulx qui me succèderont du costé de par ma mere ne demandent riens en chose que j'aye à Nuilly et Vichiel ne ailleurs; et s'il le veulent ainsi faire, je ordonne quê mes executeurs baillent à chascun d'eulx xx livres Tournois; c'est assavoir, à la femme Jehan Rogniet de Racy, à la femme Bouquin, appellée Agnès, à Marie vesve de feu Pierre Hernucart, à Jehan Josse de Cointicourt, à Girart Josse son frere (infra dicitur), à Jehan Paillart de Nuilly, à Mahaut de Ia Croix, sa cousine. Et ou cas que aucun d'eulx fie s'i voudra accorder, le debatera,